Профориентация

Мектебімізде Kazakh American University университетінің өкілдерімен кәсіби бағдар беру кездесуі өтті.

11-сынып оқушылары халықаралық университетте білім алу мүмкіндіктерімен танысып, бакалавриат бағдарламалары, қос диплом жүйесі және академиялық ұтқырлық туралы мағлұмат алды. Университет өкілдері KAU-да білім алудың артықшылықтары жөнінде айтып өтті. Олардың қатарында ағылшын тілінде оқыту, халықаралық серіктестер, гранттар мен стипендиялар, сондай-ақ түлектердің жоғары деңгейде жұмысқа орналасуы бар.

Оқушылардың ерекше қызығушылығын Бизнес ғылымдары мектебі мен Креативті және гуманитарлық ғылымдар мектебінің бағдарламалары, сондай-ақ шетелдік университеттің екінші дипломын алу мүмкіндігі тудырды. Болашақ талапкерлер студенттік өмір, American Study Camp, шетелде оқу мүмкіндіктері және университетті тәмамдағаннан кейінгі мансаптық өсу перспективалары туралы ақпарат алды.

Кездесу еркін диалог форматында өтіп, оқушылар өздерін қызықтырған сұрақтарын қойып, жан-жақты жауаптар алды. Kazakh American University өкілдеріне пайдалы әрі ынталандырушы кездесу үшін алғыс білдіреміз және түлектерімізге болашақ мамандықты саналы таңдауды тілейміз 🎓